kaha aghyar ka haq mein mere manzur mat kijo

Bayan Ahsanullah Khan

kaha aghyar ka haq mein mere manzur mat kijo

Bayan Ahsanullah Khan

MORE BYBayan Ahsanullah Khan

    kahā aġhyār haq meñ mire manzūr mat kiijo

    mujhe nazdīk se apne kabhū duur mat kiijo

    hue sañg-e-jafā se shīsha-e-dil ke ka.ī TukḌe

    bas ab is se ziyāda aur chaknāchūr mat kiijo

    mire marham-guzār us shoḳh-e-be-parvā se ye kahiyo

    ki zālim zaḳhm taaza hai use nāsūr mat kiijo

    haqārat apne āshiq nahīñ māshūq ko bhātī

    'bayāñ' sa.ī apnī rusvā.ī meñ maqdūr mat kiijo

    kahā thā sār-bāñ ke kaan meñ lailā ne āhista

    ki majnūñ ḳharābī kahīñ mazkūr mat kiijo

    kaha aghyar ka haq mein mere manzur mat kijo

    mujhe nazdik se apne kabhu tu dur mat kijo

    hue sang-e-jafa se shisha-e-dil ke kai TukDe

    bas ab is se ziyaada aur chaknachur mat kijo

    mere marham-guzar us shoKH-e-be-parwa se ye kahiyo

    ki zalim zaKHm taza hai use nasur mat kijo

    haqarat apne aashiq ki nahin mashuq ko bhati

    'bayan' sai apni ruswai mein ta maqdur mat kijo

    kaha tha sar-ban ke kan mein laila ne aahista

    ki majnun ki KHarabi ka kahin mazkur mat kijo

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY