Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kaha din ko bhi ye ghar kis liye viran rahta hai

Aitbar Sajid

kaha din ko bhi ye ghar kis liye viran rahta hai

Aitbar Sajid

MORE BYAitbar Sajid

    kahā din ko bhī ye ghar kis liye vīrān rahtā hai

    yahāñ kyā ham koī be-sar-o-sāmān rahtā hai

    dar-o-dīvār sannāTe chādar meñ haiñ ḳhvābīda

    bhalā aisī jagah zinda koī insān rahtā hai

    musalsal pūchhne par ek chilman se javāb aayā

    yahāñ ik dil-shikasta sāhab-e-dīvān rahtā hai

    jhijak kar maiñ ne pūchhā kyā kabhī bāhar nahīñ aatā

    javāb aayā use ḳhalvat meñ itmīnān rahtā hai

    kahā kyā us ke rishta-dār bhī milne nahīñ aate

    javāb aayā ye sahrā rāt-din sunsān rahtā hai

    kahā koī to hogā us ke dukh-sukh bāñTne vaalā

    javāb aayā nahīñ ḳhālī ye ghar ye lawn rahtā hai

    kahā is ghar ke āñgan meñ haiñ kuchh phūloñ ke paude bhī

    javāb aayā ki ḳhālī phir bhī har gul-dān rahtā hai

    kahā kyā is mohalle meñ nahīñ pursān-e-hāl us

    javāb aayā ḳhayāl us mujhe har aan rahtā hai

    ḳhudā shukr hai ham ik fazā meñ saañs lete haiñ

    agar milte nahīñ itnā to itmīnān rahtā hai

    kaha din ko bhi ye ghar kis liye viran rahta hai

    yahan kya hum sa koi be-sar-o-saman rahta hai

    dar-o-diwar sannaTe ki chadar mein hain KHwabida

    bhala aisi jagah zinda koi insan rahta hai

    musalsal puchhne par ek chilman se jawab aaya

    yahan ek dil-shikasta sahab-e-diwan rahta hai

    jhijak kar main ne puchha kya kabhi bahar nahin aata

    jawab aaya use KHalwat mein itminan rahta hai

    kaha kya us ke rishta-dar bhi milne nahin aate

    jawab aaya ye sahra raat-din sunsan rahta hai

    kaha koi to hoga us ke dukh-sukh banTne wala

    jawab aaya nahin KHali ye ghar ye lawn rahta hai

    kaha is ghar ke aangan mein hain kuchh phulon ke paude bhi

    jawab aaya ki KHali phir bhi har gul-dan rahta hai

    kaha kya is mohalle mein nahin pursan-e-haal us ka

    jawab aaya KHayal us ka mujhe har aan rahta hai

    KHuda ka shukr hai hum ek faza mein sans lete hain

    agar milte nahin itna to itminan rahta hai

    Source :
    • Book : Mujhe Koi Sham Udhar Do (Pg. 133)
    • Author : Aitabar Sajid
    • Publication : Ilm o Irfan Publishers Lahore (2007,2009)
    • Edition : 2007,2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now