kaha kis ne hamesha pyar dena

kahā kis ne hamesha pyaar denā

kabhī to jaan kā āzār denā

kanīzoñ se akele meñ ye va.ade

mohabbat barsar-e-darbār denā

ye kyā yūñhī hamesha jiit jaao

kabhī ham ko juue meñ haar denā

mohabbat bhī tashaddud chāhtī hai

kabhī jhūTā tamāñcha maar denā

tumheñ jī jaan se chāhā hai ham ne

burā hai is tarah dhutkār denā

yahāñ aa.e haiñ mīloñ dhuup se ham

zarā sā sāya-e-dīvār denā

jahāñ jo chiiz chāheñ ham ḳharīdeñ

suhūlat kā khulā bāzār denā

hamārī jeb meñ sikke nahīñ haiñ

ḳhudā ham ko bhī tū dīnār denā

na jaane raat meñ kyā kuchh huā ho

hameñ tum sub.h kā aḳhbār denā

kaha kis ne hamesha pyar dena

kabhi to jaan ka aazar dena

kanizon se akele mein ye wade

mohabbat barsar-e-darbar dena

ye kya yunhi hamesha jit jao

kabhi hum ko jue mein haar dena

mohabbat bhi tashaddud chahti hai

kabhi jhuTa tamancha mar dena

tumhein ji jaan se chaha hai hum ne

bura hai is tarah dhutkar dena

yahan aae hain milon dhup se hum

zara sa saya-e-diwar dena

jahan jo chiz chahen hum KHariden

suhulat ka khula bazar dena

hamari jeb mein sikke nahin hain

KHuda hum ko bhi tu dinar dena

na jaane raat mein kya kuchh hua ho

hamein tum subh ka aKHbar dena