kaha tha tumne hi mujhko aisa ki aisi shohrat bigaD degi

kahā thā tum ne hī mujh ko aisā ki aisī shohrat bigāḌ degī

ab aa ke dekho to phir kahoge ki itnī vahshat bigāḌ degī

bahut yaqīñ se kahā hai us ne agar kabhī ham alag hue to

tumheñ hamārī hameñ tumhārī yahī zarūrat bigāḌ degī

hamārī qismat meñ aur kyā hai udaas nazmeñ adhūrī ġhazleñ

hamārī sohbat se duur rahiye hamārī sohbat bigāḌ degī

isī tarah gar tumhāre naḳhre rahā uThātā maiñ sar pe apne

to hai ye mumkin ki jaan tum ko mirī mohabbat bigāḌ degī

mujhe huī hai ye baat ma.alūm baad milne ke is se yāroñ

bigāḌ degī bigāḌ degī vo laḌkī aadat bigāḌ degī

kaha tha tum ne hi mujh ko aisa ki aisi shohrat bigaD degi

ab aa ke dekho to phir kahoge ki itni wahshat bigaD degi

bahut yaqin se kaha hai us ne agar kabhi hum alag hue to

tumhein hamari hamein tumhaari yahi zarurat bigaD degi

hamari qismat mein aur kya hai udas nazmen adhuri ghazlen

hamari sohbat se dur rahiye hamari sohbat bigaD degi

isi tarah gar tumhaare naKHre raha uThata main sar pe apne

to hai ye mumkin ki jaan tum ko meri mohabbat bigaD degi

mujhe hui hai ye baat malum baad milne ke is se yaron

bigaD degi bigaD degi wo laDki aadat bigaD degi