kaha ye kis ne ki ab mujhko tum se pyar nahin

kahā ye kis ne ki ab mujh ko tum se pyaar nahīñ

ye aur baat hai tum par vo iḳhtiyār nahīñ

mire to apne hī āñgan meñ paañv zaḳhmī hue

mujhe yahāñ pe kisī par bhī e'tibār nahīñ

tamām umr kaTī terī raah takte hue

kuchh aisā haal hai ḳhud apnā intizār nahīñ

kabhī ke ḳhatm huī e'tibār kī duniyā

kisī ke vāste ab koī be-qarār nahīñ

chaman meñ kaisī havā chal rahī hai ab ke baras

guloñ ke chehroñ pe pahlā sā ab nikhār nahīñ

sulūk-e-dost ne kyā aisā kar diyā hai 'kiran'

ki umr kaT ga.ī dil ko magar qarār nahīñ

kaha ye kis ne ki ab mujh ko tum se pyar nahin

ye aur baat hai tum par wo iKHtiyar nahin

mere to apne hi aangan mein panw zaKHmi hue

mujhe yahan pe kisi par bhi e'tibar nahin

tamam umr kaTi teri rah takte hue

kuchh aisa haal hai KHud apna intizar nahin

kabhi ke KHatm hui e'tibar ki duniya

kisi ke waste ab koi be-qarar nahin

chaman mein kaisi hawa chal rahi hai ab ke baras

gulon ke chehron pe pahla sa ab nikhaar nahin

suluk-e-dost ne kya aisa kar diya hai 'kiran'

ki umr kaT gai dil ko magar qarar nahin