kaha ye maine ki apni aankhon mein KHwab rakhna

kahā ye maiñ ne ki apnī āñkhoñ meñ ḳhvāb rakhnā

kahā ye us ne ki aañkh rakhnā 'azāb rakhnā

ye maiñ ne pūchhā thā log kyuuñ mar rahe haiñ itne

javāb aayā tum un ke ḳhuuñ kā hisāb rakhnā

kahā ye maiñ ne zamīn par amn ho sakegā

kahā ki hāthoñ meñ alam rakhnā kitāb rakhnā

kahā ye maiñ ne ki zindagī kis tarah kaTegī

kahā ye us ne ki chāhatīñ be-hisāb rakhnā

kahā ye maiñ ne havā.eñ haiñ tund-o-tez kitnī

vo hañs ke bolī ki kashtiyāñ zer-e-āb rakhnā

kahā ye us ne ki dā.ere se nikal ke dekheñ

kahā ki pahle koī safar intiḳhāb rakhnā

kahā ye us ne ki bhiiḌ meñ ham bichhaḌ na jaa.eñ

kahā ki juuḌe meñ ek taaza gulāb rakhnā

kahā ye us ne ki ham agar sach kā saath deñ to

kahā ye maiñ ne ki sahne kī taab rakhnā

kaha ye main ne ki apni aankhon mein KHwab rakhna

kaha ye us ne ki aankh rakhna 'azab rakhna

ye main ne puchha tha log kyun mar rahe hain itne

jawab aaya tum un ke KHun ka hisab rakhna

kaha ye main ne zamin par amn ho sakega

kaha ki hathon mein alam rakhna kitab rakhna

kaha ye main ne ki zindagi kis tarah kaTegi

kaha ye us ne ki chahatin be-hisab rakhna

kaha ye main ne hawaen hain tund-o-tez kitni

wo hans ke boli ki kashtiyan zer-e-ab rakhna

kaha ye us ne ki daere se nikal ke dekhen

kaha ki pahle koi safar intiKHab rakhna

kaha ye us ne ki bhiD mein hum bichhaD na jaen

kaha ki juDe mein ek taza gulab rakhna

kaha ye us ne ki hum agar sach ka sath den to

kaha ye main ne ki sahne ki tab rakhna