kahan aaya hai diwanon ko tera kuchh qarar ab tak

Bismil Azimabadi

kahan aaya hai diwanon ko tera kuchh qarar ab tak

Bismil Azimabadi

MORE BYBismil Azimabadi

    kahāñ aayā hai dīvānoñ ko terā kuchh qarār ab tak

    tire va.ade pe baiThe kar rahe haiñ intizār ab tak

    ḳhudā ma.alūm kyuuñ lauTī nahīñ kar bahār ab tak

    chaman vaale chaman ke vāste haiñ be-qarār ab tak

    burā gulchīñ ko kyuuñ kahiye bure haiñ ḳhud chaman vaale

    bhale hote to kyā muñh dekhtī rahtī bahār ab tak

    chaman yaad aa.ī dil bhar aayā aañkh bhar aa.ī

    jahāñ bolā koī gulshan meñ baaqī hai bahār ab tak

    sabab jo bhī ho sūrat kah rahī hai raat jaage ho

    gavāhī ke liye baaqī hai āñkhoñ meñ ḳhumār ab tak

    qayāmat aa.e to un ko bhī aate aate aa.egā

    vo jin ko tere va.ade par nahiñ hai e'tibār ab tak

    salāmat mai-kada thoḌī bahut un ko bhī de saaqī

    takalluf meñ jo baiThe rah ga.e kuchh bāda-ḳhvār ab tak

    ḳhudārā dekh le duniyā ki phir ye bhī na dekhegī

    chaman se jaate jaate rah ga.ī hai jo bahār ab tak

    qafas meñ rahte rahte ek muddat ho ga.ī phir bhī

    chaman ke vāste rahtī hai bulbul be-qarār ab tak

    ḳhabar bhī hai tujhe mai-ḳhvār to badnām hai saaqī

    dabā kar kitnī botal le ga.e parhez-gār ab tak

    are dāman chhuḌā kar jaane vaale kuchh ḳhabar bhī hai

    tire qadmoñ se hai lipTī huī ḳhāk-e-mazār ab tak

    ye kahne vaale kahte haiñ ki tauba kar chuke 'bismil'

    magar dekhe ga.e haiñ mai-kade meñ baar baar ab tak

    kahan aaya hai diwanon ko tera kuchh qarar ab tak

    tere wade pe baiThe kar rahe hain intizar ab tak

    KHuda malum kyun lauTi nahin ja kar bahaar ab tak

    chaman wale chaman ke waste hain be-qarar ab tak

    bura gulchin ko kyun kahiye bure hain KHud chaman wale

    bhale hote to kya munh dekhti rahti bahaar ab tak

    chaman ki yaad aai dil bhar aaya aankh bhar aai

    jahan bola koi gulshan mein baqi hai bahaar ab tak

    sabab jo bhi ho surat kah rahi hai raat jage ho

    gawahi ke liye baqi hai aankhon mein KHumar ab tak

    qayamat aae to un ko bhi aate aate aaega

    wo jin ko tere wade par nahin hai e'tibar ab tak

    salamat mai-kada thoDi bahut un ko bhi de saqi

    takalluf mein jo baiThe rah gae kuchh baada-KHwar ab tak

    KHudara dekh le duniya ki phir ye bhi na dekhegi

    chaman se jate jate rah gai hai jo bahaar ab tak

    qafas mein rahte rahte ek muddat ho gai phir bhi

    chaman ke waste rahti hai bulbul be-qarar ab tak

    KHabar bhi hai tujhe mai-KHwar to badnam hai saqi

    daba kar kitni botal le gae parhez-gar ab tak

    are daman chhuDa kar jaane wale kuchh KHabar bhi hai

    tere qadmon se hai lipTi hui KHak-e-mazar ab tak

    ye kahne wale kahte hain ki tauba kar chuke 'bismil'

    magar dekhe gae hain mai-kade mein bar bar ab tak

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY