kahan ai parda-nashin KHud ko chhupaya hua hai

kahāñ ai parda-nashīñ ḳhud ko chhupāyā huā hai

terā dīvāna tire shahr meñ aaya huā hai

terī tasvīr ne tasḳhīr kiyā hai dil ko

terā hī aks mire zehn pe chhāyā huā hai

dil hai saada ki samajh baiThā hai us ko ġham-ḳhvār

vo jo apne hī kisī kaam se aaya huā hai

apnī rāhoñ ko bhī zāhir nahīñ hone dete

ham ne manzil ko bhī duniyā se chhupāyā huā hai

ishq kī aag pe kāġhaz kī chalā kar kashtī

ek dīvāne ne duniyā ko hilāyā huā hai

un pe ye anfus-o-āfāq bhī qurbān 'hayāt'

markaz-e-ishq jinheñ ham ne banāyā huā hai

kahan ai parda-nashin KHud ko chhupaya hua hai

tera diwana tere shahr mein aaya hua hai

teri taswir ne tasKHir kiya hai dil ko

tera hi aks mere zehn pe chhaya hua hai

dil hai sada ki samajh baiTha hai us ko gham-KHwar

wo jo apne hi kisi kaam se aaya hua hai

apni rahon ko bhi zahir nahin hone dete

hum ne manzil ko bhi duniya se chhupaya hua hai

ishq ki aag pe kaghaz ki chala kar kashti

ek diwane ne duniya ko hilaya hua hai

un pe ye anfus-o-afaq bhi qurban 'hayat'

markaz-e-ishq jinhen hum ne banaya hua hai