kahan bahaar ka mausam nashatiya Thahra

kahāñ bahār kā mausam nashātiya Thahrā

guloñ kī surḳh fasīloñ se fāsla Thahrā

laboñ kī taḳhtiyāñ tahrīr se tahī raheñgī

agar yuuñ soch ke likhne kā silsila Thahrā

bahut thakā thā fareb-e-jahān se lekin

tumhārī aañkh kā markaz bhī dā.era Thahrā

bikhar rahe the sabhī ashk mātamī ban kar

phir ek chauk meñ aate hī ta.aziya Thahrā

ye saarā mas.ala be-sūd intibāq se hai

kab irtiqā ke munāfī muāshra Thahrā

ham apnī umr ke ma.arūf vāqi.āt meñ se

jise samajh nahīñ paa.e vo mo.ajiza Thahrā

makāñ makīn pe us vaqt khul gayā 'azvar'

jab ik charāġh jalā aur tāqcha Thahrā

kahan bahaar ka mausam nashatiya Thahra

gulon ki surKH fasilon se fasla Thahra

labon ki taKHtiyan tahrir se tahi rahengi

agar yun soch ke likhne ka silsila Thahra

bahut thaka tha fareb-e-jahan se lekin

tumhaari aankh ka markaz bhi daera Thahra

bikhar rahe the sabhi ashk matami ban kar

phir ek chauk mein aate hi taziya Thahra

ye sara masala be-sud intibaq se hai

kab irtiqa ke munafi muashra Thahra

hum apni umr ke maruf waqiat mein se

jise samajh nahin pae wo moajiza Thahra

makan makin pe us waqt khul gaya 'azwar'

jab ek charagh jala aur taqcha Thahra