kahan jaenge hum mohabbat ko le kar

kahāñ jā.eñge ham mohabbat ko le kar

hamīñ āshnā the muravvat ko le kar

chhupe buġhz ko ham samajh hī na paa.e

chale aa.e ḳhud hī 'adāvat ko le kar

kabhī bārishoñ se bhī Darte the aa.e

chale ham samandar 'ināyat ko le kar

abhī sard rātoñ kī baarī hai baaqī

uThī haiñ sadā.eñ siyāsat ko le kar

kahan jaenge hum mohabbat ko le kar

hamin aashna the murawwat ko le kar

chhupe bughz ko hum samajh hi na pae

chale aae KHud hi 'adawat ko le kar

kabhi barishon se bhi Darte the aae

chale hum samandar 'inayat ko le kar

abhi sard raaton ki bari hai baqi

uThi hain sadaen siyasat ko le kar