kahan main jaun gham-e-ishq-e-raegan le kar

Zubair Rizvi

kahan main jaun gham-e-ishq-e-raegan le kar

Zubair Rizvi

MORE BYZubair Rizvi

    kahāñ maiñ jā.ūñ ġham-e-ishq-e-rā.egāñ le kar

    ye apne rañj ye apnī udāsiyāñ le kar

    jalā hai dil koī ghar ye dekhnā logo

    havā.eñ phirtī haiñ chāroñ taraf dhuāñ le kar

    bas ik hamārā lahū sarf-e-qatl-gāh huā

    khaḌe hue the bahut apne jism o jaañ le kar

    na.e gharoñ meñ na rauzan the aur na mehrābeñ

    parinde lauT ga.e apne āshiyāñ le kar

    samundaroñ ke safar jin ke naam likkhe the

    utar ga.e vo kināroñ pe kashtiyāñ le kar

    talāsh karte haiñ nau-sāḳhta makānoñ meñ

    ham apne ghar ko purānī nishāniyāñ le kar

    unheñ bhī sahne paḌe the azaab mausam ke

    chale the apne saroñ par jo sā.ebāñ le kar

    havā meñ hilte hue haath pūchhte haiñ 'zubair'

    tum ab ga.e to kab aaoge chhuTTiyāñ le kar

    kahan main jaun gham-e-ishq-e-raegan le kar

    ye apne ranj ye apni udasiyan le kar

    jala hai dil ya koi ghar ye dekhna logo

    hawaen phirti hain chaaron taraf dhuan le kar

    bas ek hamara lahu sarf-e-qatl-gah hua

    khaDe hue the bahut apne jism o jaan le kar

    nae gharon mein na rauzan the aur na mehraben

    parinde lauT gae apne aashiyan le kar

    samundaron ke safar jin ke nam likkhe the

    utar gae wo kinaron pe kashtiyan le kar

    talash karte hain nau-saKHta makanon mein

    hum apne ghar ko purani nishaniyan le kar

    unhen bhi sahne paDe the azab mausam ke

    chale the apne saron par jo saeban le kar

    hawa mein hilte hue hath puchhte hain 'zubair'

    tum ab gae to kab aaoge chhuTTiyan le kar

    Source :
    • Book : Sang-ge-Sada (Pg. 282)
    • Author : Zubair Razvi
    • Publication : Zehne Jadid, New Delhi (2014)
    • Edition : 2014
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY