kahan nahin ho kahan ho zara jawab to do
kahāñ nahīñ ho kahāñ ho zarā javāb to do
tashaffī-e-dil-o-jāñ ho zarā javāb to do
mire ḳhayāl meñ rah kar mirī nigāhoñ se
sabab hai kyā jo nihāñ ho zarā javāb to do
ḳhabar bhī hai tumheñ kuchh apne be-navāoñ kī
amīr-e-kaun-o-makāñ ho zarā javāb to do
rahīn-e-tīra-nasībī rahegā kyā 'ambar'
charāġh-e-nūr-fishāñ ho zarā javāb to do
kahan nahin ho kahan ho zara jawab to do
tashaffi-e-dil-o-jaan ho zara jawab to do
mere KHayal mein rah kar meri nigahon se
sabab hai kya jo nihan ho zara jawab to do
KHabar bhi hai tumhein kuchh apne be-nawaon ki
amir-e-kaun-o-makan ho zara jawab to do
rahin-e-tira-nasibi rahega kya 'ambar'
charagh-e-nur-fishan ho zara jawab to do
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
