kahan ye chand raaton ka asar hai

kahāñ ye chand rātoñ kā asar hai

zamāne par zamānoñ kā asar hai

akele baiTh kar yuuñ muskurānā

ye hāthoñ meñ kitāboñ kā asar hai

mukammal ho rahā hai ishq merā

irādoñ se vafāoñ kā asar hai

mohabbat gūñjtī rahtī hai mujh meñ

ye barsoñ kī ḳhalāoñ kā asar hai

sifat jitnī bhī mujh ko hai atā vo

tumhāre saath bātoñ kā asar hai

jahāñ tak dekhtī huuñ tum hī tum ho

tasavvur par sarāboñ kā asar hai

parindoñ se sabā se ḳhushbuoñ se

muta.assir huuñ ḳharāboñ kā asar hai

achānak nīm-shab vo yaad aa.e

numāyāñ do sitāroñ kā asar hai

vasūq itnā savāloñ meñ hamāre

tumhāre kuchh javāboñ kā asar hai

kahan ye chand raaton ka asar hai

zamane par zamanon ka asar hai

akele baiTh kar yun muskurana

ye hathon mein kitabon ka asar hai

mukammal ho raha hai ishq mera

iradon se wafaon ka asar hai

mohabbat gunjti rahti hai mujh mein

ye barson ki KHalaon ka asar hai

sifat jitni bhi mujh ko hai ata wo

tumhaare sath baaton ka asar hai

jahan tak dekhti hun tum hi tum ho

tasawwur par sarabon ka asar hai

parindon se saba se KHushbuon se

mutassir hun KHarabon ka asar hai

achanak nim-shab wo yaad aae

numayan do sitaron ka asar hai

wasuq itna sawalon mein hamare

tumhaare kuchh jawabon ka asar hai