kahani dil ki sabhi se chhupani paDti hai
kahānī dil kī sabhī se chhupānī paḌtī hai
bhulā ke ġham hañsī lab par sajānī paḌtī hai
nazar milāte hī fauran jhukānī paḌtī hai
phaTe libās meñ ġhurbat chhupānī paḌtī hai
adhūre ḳhvāb jo tere haiñ puure hoñge par
har ek ḳhvāb kī qīmat chukānī paḌtī hai
sunā hai maiñ ne hamesha yahī buzurgoñ se
burā ho vaqt to mehnat baḌhānī paḌtī hai
kisī ko miltī nahīñ hai kabhī virāsat meñ
ḳhud apne dam pe ye 'izzat kamānī paḌtī hai
kahā thā maañ ne mirī mujh se ye kabhī 'shākir'
ġharīb hone kī qīmat chukānī paḌtī hai
kahani dil ki sabhi se chhupani paDti hai
bhula ke gham hansi lab par sajaani paDti hai
nazar milate hi fauran jhukani paDti hai
phaTe libas mein ghurbat chhupani paDti hai
adhure KHwab jo tere hain pure honge par
har ek KHwab ki qimat chukani paDti hai
suna hai main ne hamesha yahi buzurgon se
bura ho waqt to mehnat baDhani paDti hai
kisi ko milti nahin hai kabhi wirasat mein
KHud apne dam pe ye 'izzat kamani paDti hai
kaha tha man ne meri mujh se ye kabhi 'shakir'
gharib hone ki qimat chukani paDti hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
