Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kahe ye kaun makan apna la-makan apna

Bekhud Mohani

kahe ye kaun makan apna la-makan apna

Bekhud Mohani

MORE BYBekhud Mohani

    kahe ye kaun makāñ apnā lā-makāñ apnā

    azal ke ba.ad se miltā hai kuchh nishāñ apnā

    hai kuchh to baat ki da.avā hai ik jahāñ yahī

    ki hai apnā zamīñ apnī āsmāñ apnā

    har ek gaam pe har samt hai sujūd-e-niyāz

    dayār-e-yār ko jaatā hai kārvāñ apnā

    nazar bhī daftar-e-a.amāl par vo kar na sake

    thā apnā haal zabāñ apnī aur bayāñ apnā

    dar-e-raqīb pe sajde meñ aah dam toḌeñ

    ho jin qaul sar apnā hai āstāñ apnā

    adam se pahle hālat adam ke ba.ad haal

    mujhī se pūchh ki maiñ ḳhud huuñ rāz-dāñ apnā

    ye pūchhtā hai ki kyoñ dil meñ hai ik aag lagī

    ye dekhtā nahīñ jaltā hai āshiyāñ apnā

    nahīñ ḳhayāl-e-nasheman malāl hai to ye hai

    ki ham ne aap ujāḌā hai āshiyāñ apnā

    har ek sho.ala laraztā hai aur ham chup haiñ

    qafas ke sāmne jaltā hai āshiyāñ apnā

    girī thī kauñd ke bijlī kabhī nasheman par

    ye dekhtā huuñ ki jaltā hai āshiyāñ apnā

    abhī jamāl se parde hazār baaqī haiñ

    harīm-e-yār meñ 'beḳhud' guzar kahāñ apnā

    kahe ye kaun makan apna la-makan apna

    azal ke baad se milta hai kuchh nishan apna

    hai kuchh to baat ki dawa hai ek jahan ka yahi

    ki tu hai apna zamin apni aasman apna

    har ek gam pe har samt hai sujud-e-niyaz

    dayar-e-yar ko jata hai karwan apna

    nazar bhi daftar-e-amal par wo kar na sake

    tha apna haal zaban apni aur bayan apna

    dar-e-raqib pe sajde mein aah dam toDen

    ho jin ka qaul sar apna hai aastan apna

    adam se pahle ki haalat adam ke baad ka haal

    mujhi se puchh ki main KHud hun raaz-dan apna

    ye puchhta hai ki kyon dil mein hai ek aag lagi

    ye dekhta nahin jalta hai aashiyan apna

    nahin KHayal-e-nasheman malal hai to ye hai

    ki hum ne aap ujaDa hai aashiyan apna

    har ek shoala larazta hai aur hum chup hain

    qafas ke samne jalta hai aashiyan apna

    giri thi kaund ke bijli kabhi nasheman par

    ye dekhta hun ki jalta hai aashiyan apna

    abhi jamal se parde hazar baqi hain

    harim-e-yar mein 'beKHud' guzar kahan apna

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now