kahin bhi jaun par mujhko sukun-e-dil nahin milta

kahīñ bhī jā.ūñ par mujh ko sukūn-e-dil nahīñ miltā

nahīñ miltā mujhe vo naqsha-e-qātil nahīñ miltā

madad-gār-e-mohabbat the tumhīñ bahr-e-mohabbat meñ

tumhāre baad koī rahbar-e-kāmil nahīñ miltā

tumhārā hī bharosa thā mujhe dushvār rāhoñ meñ

ab in rāhoñ meñ koī rahrav-e-manzil nahīñ miltā

savāl-e-zindagī mushkil hai par mushkil nahīñ mushkil

agar mushkil hai mushkil ko hal-e-mushkil nahīñ miltā

hijābāna hī sūrat se tumhārī maiñ sañbhal letā

magar mushkil hai mushkil ko lab-e-sāhil nahīñ miltā

hamārā rāz-e-dil hī kyā na sunte ho na pūchhoge

nahīñ miltā tumhārā hī mizāj-e-dil nahīñ miltā

muqaddar ko tire manzūr kuchh 'ġham' hai to ye hī hai

ki tujh sā is zamāne meñ koī be-dil nahīñ miltā

kahin bhi jaun par mujh ko sukun-e-dil nahin milta

nahin milta mujhe wo naqsha-e-qatil nahin milta

madad-gar-e-mohabbat the tumhin bahr-e-mohabbat mein

tumhaare baad koi rahbar-e-kaamil nahin milta

tumhaara hi bharosa tha mujhe dushwar rahon mein

ab in rahon mein koi rahraw-e-manzil nahin milta

sawal-e-zindagi mushkil hai par mushkil nahin mushkil

agar mushkil hai mushkil ko hal-e-mushkil nahin milta

hijabana hi surat se tumhaari main sanbhal leta

magar mushkil hai mushkil ko lab-e-sahil nahin milta

hamara raaz-e-dil hi kya na sunte ho na puchhoge

nahin milta tumhaara hi mizaj-e-dil nahin milta

muqaddar ko tere manzur kuchh 'gham' hai to ye hi hai

ki tujh sa is zamane mein koi be-dil nahin milta