kahin bhi zindagi apni guzar sakta tha

kahīñ bhī zindagī apnī guzār saktā thā

vo chāhtā to maiñ dānista haar saktā thā

zamīn paañv se mere lipaT ga.ī varna

maiñ āsmān se taare utaar saktā thā

jalā rahī haiñ jise tez dhuup kī nazreñ

vo abr baaġh kī qismat sañvār saktā thā

ajiib mo.ajaza-kārī thī us kī bātoñ meñ

ki vo yaqīñ ke jazīre ubhār saktā thā

mire makān meñ dīvār hai na darvāza

mujhe to koī bhī ghar se pukār saktā thā

pur-itminān thiiñ us kī rifāqateñ 'balrāj'

vo aa.ine meñ mujhe bhī utaar saktā thā

kahin bhi zindagi apni guzar sakta tha

wo chahta to main danista haar sakta tha

zamin panw se mere lipaT gai warna

main aasman se tare utar sakta tha

jala rahi hain jise tez dhup ki nazren

wo abr bagh ki qismat sanwar sakta tha

ajib moajaza-kari thi us ki baaton mein

ki wo yaqin ke jazire ubhaar sakta tha

mere makan mein diwar hai na darwaza

mujhe to koi bhi ghar se pukar sakta tha

pur-itminan thin us ki rifaqaten 'balraj'

wo aaine mein mujhe bhi utar sakta tha