kahin din Dhala kahin shab hui kahin sham aai sahar gai

kahīñ din Dhalā kahīñ shab huī kahīñ shaam aa.ī sahar ga.ī

kisī bevafā kī talāsh meñ mirī umr yuuñ hī guzar ga.ī

tere husn-e-ishq-e-navāz ne mujhe ḳhush-nasīb banā diyā

mire ranj-o-ġham ko miTā diyā mirī ḳhasta-hālī sañvar ga.ī

maiñ kise sunā.ūñ ye dāstāñ maiñ kise batā.ūñ ye mājrā

kisī nāznīñ kī har ik adā mire dil jigar meñ utar ga.ī

tire jalve zīnat-e-gulsitāñ tū hī mehr-o-māh meñ zau-fishāñ

tire husn se huī āshnā jahāñ tak hamārī nazar ga.ī

tumheñ yaad maiñ na karūñ kabhī tumheñ apne dil se nikāl duuñ

yahī kaam mujh se na ho sakā mirī zindagānī guzar ga.ī

kahin din Dhala kahin shab hui kahin sham aai sahar gai

kisi bewafa ki talash mein meri umr yun hi guzar gai

tere husn-e-ishq-e-nawaz ne mujhe KHush-nasib bana diya

mere ranj-o-gham ko miTa diya meri KHasta-haali sanwar gai

main kise sunaun ye dastan main kise bataun ye majra

kisi naznin ki har ek ada mere dil jigar mein utar gai

tere jalwe zinat-e-gulsitan tu hi mehr-o-mah mein zau-fishan

tere husn se hui aashna jahan tak hamari nazar gai

tumhein yaad main na karun kabhi tumhein apne dil se nikal dun

yahi kaam mujh se na ho saka meri zindagani guzar gai