kahin KHud ro na paDna mujhko giryan dekhne wale

kahīñ ḳhud ro na paḌnā mujh ko giryāñ dekhne vaale

kabhī tūfāñ meñ bah jaate haiñ tūfāñ dekhne vaale

nasheman phūñk kar ḳhush haiñ charāġhāñ dekhne vaale

lapaT meñ āh-e-sozāñ kī gulistāñ dekhne vaale

maiñ kis kā aks huuñ maiñ kis kī sūrat kā huuñ ā.īna

agar dekheñ mujhe bā-chashm-e-hairāñ dekhne vaale

ziyā-e-kaukab-e-taqdīr se tashbīh dete haiñ

tirī peshānī-e-ḳhanda pe afshāñ dekhne vaale

jo zāhir hai vahī bātin jo bātin hai vahī zāhir

mujhe dekheñ mirā chāk-e-garebāñ dekhne vaale

tumheñ arsh-e-barīñ par dekh kar hairān-o-shashdar haiñ

havā ke dosh par taḳht-e-sulaimāñ dekhne vaale

mujhe us anjuman kī justujū muddat se hai 'anvar'

jahāñ rahte hoñ insānoñ ko insāñ dekhne vaale

kahin KHud ro na paDna mujh ko giryan dekhne wale

kabhi tufan mein bah jate hain tufan dekhne wale

nasheman phunk kar KHush hain charaghan dekhne wale

lapaT mein aah-e-sozan ki gulistan dekhne wale

main kis ka aks hun main kis ki surat ka hun aaina

agar dekhen mujhe ba-chashm-e-hairan dekhne wale

ziya-e-kaukab-e-taqdir se tashbih dete hain

teri peshani-e-KHanda pe afshan dekhne wale

jo zahir hai wahi baatin jo baatin hai wahi zahir

mujhe dekhen mera chaak-e-gareban dekhne wale

tumhein arsh-e-barin par dekh kar hairan-o-shashdar hain

hawa ke dosh par taKHt-e-sulaiman dekhne wale

mujhe us anjuman ki justuju muddat se hai 'anwar'

jahan rahte hon insanon ko insan dekhne wale