kahin par subh rakhta hun kahin par sham rakhta hun

Abrar Ahmad

kahin par subh rakhta hun kahin par sham rakhta hun

Abrar Ahmad

MORE BYAbrar Ahmad

    kahīñ par sub.h rakhtā huuñ kahīñ par shaam rakhtā huuñ

    phir is be-rabt se ḳhāke meñ ḳhud se kaam rakhtā huuñ

    salīqe se maiñ us guftugū lutf letā huuñ

    aur us ke rū-ba-rū dil meñ ḳhayāl-e-ḳhām rakhtā huuñ

    ba-zāhir mad.h se us kabhī thaktā nahīñ lekin

    darūn-e-ḳhāna-e-dil ḳhvāhish-e-dushnām rakhtā huuñ

    ḳhush aa.ī hai abhī to qaid-e-ḳhvāhish is ḳharābe meñ

    abhī ḳhud ko rahīn-e-gardish-e-ayyām rakhtā huuñ

    safar sub.h meñ ranj-e-safar dhuul uḌtī hai

    had-e-āġhāz meñ andesha-e-anjām rakhtā huuñ

    firāq o vasl se haT kar koī rishta hamārā hai

    ki us ko chhoḌ paatā huuñ na us ko thaam rakhtā huuñ

    dalīl-e-ḳhvāb-e-mastī hai tirī āmādgī imshab

    magar is shab meñ tujh se aur koī kaam rakhtā huuñ

    tajāvuz se bhalā kab tak guzar auqāt mumkin thī

    so apne ḳhuun tak shor-e-dil-e-badnām rakhtā huuñ

    kahin par subh rakhta hun kahin par sham rakhta hun

    phir is be-rabt se KHake mein KHud se kaam rakhta hun

    saliqe se main us ki guftugu ka lutf leta hun

    aur us ke ru-ba-ru dil mein KHayal-e-KHam rakhta hun

    ba-zahir madh se us ki kabhi thakta nahin lekin

    darun-e-KHana-e-dil KHwahish-e-dushnam rakhta hun

    KHush aai hai abhi to qaid-e-KHwahish is KHarabe mein

    abhi KHud ko rahin-e-gardish-e-ayyam rakhta hun

    safar ki subh mein ranj-e-safar ki dhul uDti hai

    had-e-aghaz mein andesha-e-anjam rakhta hun

    firaq o wasl se haT kar koi rishta hamara hai

    ki us ko chhoD pata hun na us ko tham rakhta hun

    dalil-e-KHwab-e-masti hai teri aamadgi imshab

    magar is shab mein tujh se aur koi kaam rakhta hun

    tajawuz se bhala kab tak guzar auqat mumkin thi

    so apne KHun tak shor-e-dil-e-badnam rakhta hun

    Source :
    • Book : Gaflat ke Barabar (Pg. 129)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now