kahin par zulm ke shoale kahin par KHud-parasti hai

kahīñ par zulm ke sho.ale kahīñ par ḳhud-parastī hai

chaman kī aabrū ḳhatre meñ hai ye baat sachchī hai

vo gholā zahr nafrat kā siyāsat ne fazāoñ meñ

guloñ kī aañkh se shabnam lahū ban kar Tapaktī hai

baġhāvat par agar ham log utar aa.e to kyā hogā

abhī to ham ne rassī sabr kī ye thaam rakkhī hai

vahāñ insāf kī ummīd le kar jā rahe ho tum

jahāñ qānūn ne āñkhoñ se paTTī bāñdh rakkhī hai

taḌaptā huuñ bichhaḌ kar aap se kuchh is tarah 'jauhar'

binā paanī ke jaise ret pe machhlī taḌaptī hai

kahin par zulm ke shoale kahin par KHud-parasti hai

chaman ki aabru KHatre mein hai ye baat sachchi hai

wo ghola zahr nafrat ka siyasat ne fazaon mein

gulon ki aankh se shabnam lahu ban kar Tapakti hai

baghawat par agar hum log utar aae to kya hoga

abhi to hum ne rassi sabr ki ye tham rakkhi hai

wahan insaf ki ummid le kar ja rahe ho tum

jahan qanun ne aankhon se paTTi bandh rakkhi hai

taDapta hun bichhaD kar aap se kuchh is tarah 'jauhar'

bina pani ke jaise ret pe machhli taDapti hai