aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kahin sar paTakte diwane kahin par jhulaste parwane

Arzoo Lakhnavi

kahin sar paTakte diwane kahin par jhulaste parwane

Arzoo Lakhnavi

MORE BYArzoo Lakhnavi

    kahīñ sar paTakte dīvāne kahīñ par jhulaste parvāne

    jo ho be-shu'ūr kyā jaane ye haiñ zindagī ke afsāne

    ye na.ī na.ī har ik sūrat ye tilismī ā.īna-ḳhāne

    hai ġhazab sho'la-sāmānī ki bhaTak rahe haiñ parvāne

    sabhī apne aur begāne chale aa rahe haiñ samjhāne

    mujhe kyā huā ḳhudā jaane maiñ siḌī huuñ ye dīvāne

    koī aa rahā hai samjhāne magar is tarah ki be-jāne

    haiñ usī ke ġham meñ dīvāne abhī sun le to burā maane

    lalak ek na ai koyal na tirā dil hai merā dil

    tirī kuuk ko maiñ kyā samjhūñ mirī huuk ko kyā jaane

    tirī be-ruḳhī ne ai saaqī havas-e-talab baḌhā hai

    huā chuur ek paimāna to bane hazār paimāne

    hai idhar ḳhumār āñkhoñ meñ udhar intizār āñkhoñ meñ

    abhī daur-e-mai-kashī hai duur abhī ban rahe haiñ maiḳhāne

    huā bhole-pan pe jo bismil vo to apnā aap hai qātil

    ye samajh pher hai ai dil sitam-o-jafā vo kyā jaane

    na.ī karvaTeñ zamāne haiñ baḌī inqalābātī

    kahīñ bastiyoñ meñ vīrānī kahīñ bas rahe haiñ vīrāne

    ye ubhartī miTtī tahrīreñ ye bigaḌtī bantī tasvīreñ

    kisī husn haiñ tanvīreñ koī dekhe ho to pahchāne

    hai jān-e-husn ye sun ke to pasīna chhūTā māthe se

    mirā naam 'ārzū' sun le to vo aur bhī burā maane

    kahin sar paTakte diwane kahin par jhulaste parwane

    jo ho be-shu'ur kya jaane ye hain zindagi ke afsane

    ye nai nai har ek surat ye tilismi aaina-KHane

    hai ghazab ki sho'la-samani ki bhaTak rahe hain parwane

    sabhi apne aur begane chale aa rahe hain samjhane

    mujhe kya hua KHuda jaane main siDi hun ya ye diwane

    koi aa raha hai samjhane magar is tarah ki be-jaane

    hain usi ke gham mein diwane abhi sun le to bura mane

    lalak ek si na ai koyal na tera sa dil hai mera dil

    teri kuk ko main kya samjhun meri huk ko tu kya jaane

    teri be-ruKHi ne ai saqi hawas-e-talab baDha di hai

    hua chur ek paimana to bane hazar paimane

    hai idhar KHumar aankhon mein udhar intizar aankhon mein

    abhi daur-e-mai-kashi hai dur abhi ban rahe hain maiKHane

    hua bhole-pan pe jo bismil wo to apna aap hai qatil

    ye samajh ka pher hai ai dil sitam-o-jafa wo kya jaane

    nai karwaTen zamane ki hain baDi hi inqalabaati

    kahin bastiyon mein virani kahin bas rahe hain virane

    ye ubharti miTti tahriren ye bigaDti banti taswiren

    kisi husn ki hain tanwiren koi dekhe ho to pahchane

    tu hai jaan-e-husn ye sun ke to pasina chhuTa mathe se

    mera nam 'arzu' sun le to wo aur bhi bura mane

    Source:

    Nishaan-e-Aarzu (Pg. ebook-152 page-142)

    • Author: Anwar Husain Arzoo
      • Edition: 1968
      • Year of Publication: 1968
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now