kahin sharminda na ho rasm-e-wafa mere baad

kahīñ sharminda na ho rasm-e-vafā mere ba.ad

mere maazī ko na do merī sazā mere ba.ad

aisā lagtā hai ki sab ḳhuun ke pyāse haiñ yahāñ

haa.e is shahr kā kyā haal huā mere ba.ad

tishna-lab aur bhī ā.eñge yahāñ merī tarah

kaun degā unheñ jiine kī duā mere ba.ad

mujh pe hī ḳhatm huā qahr zamāne-bhar kā

phir kisī aur kā dāman na jalā mere ba.ad

ek hī shab meñ bane log masīhā kitne

shahr meñ phir koī qātil na rahā mere ba.ad

ab to apnoñ meñ bhī aglī sī sharāfat na rahī

rishta-e-mehr-o-vafā TuuT gayā mere ba.ad

ġhāliban maiñ hī yahāñ lāla-e-sahrā thā 'ra.īs'

phir na sahrā meñ koī phuul khilā mere ba.ad

kahin sharminda na ho rasm-e-wafa mere baad

mere mazi ko na do meri saza mere baad

aisa lagta hai ki sab KHun ke pyase hain yahan

hae is shahr ka kya haal hua mere baad

tishna-lab aur bhi aaenge yahan meri tarah

kaun dega unhen jine ki dua mere baad

mujh pe hi KHatm hua qahr zamane-bhar ka

phir kisi aur ka daman na jala mere baad

ek hi shab mein bane log masiha kitne

shahr mein phir koi qatil na raha mere baad

ab to apnon mein bhi agli si sharafat na rahi

rishta-e-mehr-o-wafa TuT gaya mere baad

ghaaliban main hi yahan lala-e-sahra tha 'rais'

phir na sahra mein koi phul khila mere baad