kahin zagh ki rasai kisi gosha-e-chaman mein

kahīñ zaaġh kī rasā.ī kisī gosha-e-chaman meñ

kahīñ ḳhvāb to nahīñ hai mirā zikr anjuman meñ

maiñ kabhī harīm-e-gul meñ kabhī gosha-e-chaman meñ

tujhe DhūñDhtā rahā huuñ maiñ har ek anjuman meñ

vo latīf kaifiyat jo tirī chashm kī atā hai

ye vadī.at-e-ilāhī kahāñ bāda-e-kuhan meñ

vo hasīñ javāñ the kitne mirī zindagī ke hāsil

jo mile the chand lamhe mujhe terī anjuman meñ

nahīñ azm jis kā tanhā maiñ vo rahrav-e-adam huuñ

mire dil kī hasrateñ bhī mire saath haiñ kafan meñ

sar-e-bazm un kī mujh par jo navāzish-e-karam hai

mire hāsidoñ ke 'tālib' lagī aag tan-badan meñ

kahin zagh ki rasai kisi gosha-e-chaman mein

kahin KHwab to nahin hai mera zikr anjuman mein

main kabhi harim-e-gul mein kabhi gosha-e-chaman mein

tujhe DhunDhta raha hun main har ek anjuman mein

wo latif kaifiyat jo teri chashm ki ata hai

ye wadiat-e-ilahi kahan baada-e-kuhan mein

wo hasin jawan the kitne meri zindagi ke hasil

jo mile the chand lamhe mujhe teri anjuman mein

nahin azm jis ka tanha main wo rahraw-e-adam hun

mere dil ki hasraten bhi mere sath hain kafan mein

sar-e-bazm un ki mujh par jo nawazish-e-karam hai

mere hasidon ke 'talib' lagi aag tan-badan mein