kahiye kis darja wo KHurshid-jamal achchha hai

kahiye kis darja vo ḳhurshīd-jamāl achchhā hai

muḳhtasar ye ki vo aap apnī misāl achchhā hai

dūsroñ ke dil-e-nāzuk kā ḳhayāl achchhā hai

koī pūchhe to maiñ kah detā huuñ haal achchhā hai

aa.e din kī to nahīñ Thiik junūñ-ḳhezī-e-dil

mausam-e-gul to ye bas sāl-ba-sāl achchhā hai

mujh ko kaafī hai maiñ samjhūñgā use husn-e-javāb

bas vo farmā deñ ki saa.il kā savāl achchhā hai

ye jo bigḌā tirī taqdīr bigaḌ jā.egī

dil hai dil ye ise jitnā bhī sambhāl achchhā hai

is se zaa.il ho 'nazar' us se ho dil tak raushan

rū-e-ḳhurshīd se vo rū-e-jamāl achchhā hai

kahiye kis darja wo KHurshid-jamal achchha hai

muKHtasar ye ki wo aap apni misal achchha hai

dusron ke dil-e-nazuk ka KHayal achchha hai

koi puchhe to main kah deta hun haal achchha hai

aae din ki to nahin Thik junun-KHezi-e-dil

mausam-e-gul to ye bas sal-ba-sal achchha hai

mujh ko kafi hai main samjhunga use husn-e-jawab

bas wo farma den ki sail ka sawal achchha hai

ye jo bigDa teri taqdir bigaD jaegi

dil hai dil ye ise jitna bhi sambhaal achchha hai

is se zail ho 'nazar' us se ho dil tak raushan

ru-e-KHurshid se wo ru-e-jamal achchha hai