kahne ko to malbus mein wo jism nihan tha

kahne ko to malbūs meñ vo jism nihāñ thā

har zāviya-e-pairahan 'usrat se 'ayāñ thā

is dasht meñ ham qais ko yuuñ DhūñDne nikle

jaise yahīñ ustād-e-mukarram kā makāñ thā

urdu se huā 'ishq use 'ishq bhī aisā

sab log samajhne lage vo ahl-e-zabāñ thā

gumrāhī kī daldal se nikalte bhalā kaise

rasta koī is jāda-e-hastī meñ kahāñ thā

uḌtī hai jahāñ ret yahī aañkh kā sahrā

kahte haiñ ga.e vaqtoñ meñ ik sail-e-ravāñ thā

din raat lapak kar mirī lete the balā.eñ

tū saath mire thā to mire saath jahāñ thā

ḳhvāhish thī kahāñ radd-e-'amal kī koī 'tasnīm'

har ek 'amal apnā bilā sūd-o-ziyāñ thā

kahne ko to malbus mein wo jism nihan tha

har zawiya-e-pairahan 'usrat se 'ayan tha

is dasht mein hum qais ko yun DhunDne nikle

jaise yahin ustad-e-mukarram ka makan tha

urdu se hua 'ishq use 'ishq bhi aisa

sab log samajhne lage wo ahl-e-zaban tha

gumrahi ki daldal se nikalte bhala kaise

rasta koi is jada-e-hasti mein kahan tha

uDti hai jahan ret yahi aankh ka sahra

kahte hain gae waqton mein ek sail-e-rawan tha

din raat lapak kar meri lete the balaen

tu sath mere tha to mere sath jahan tha

KHwahish thi kahan radd-e-'amal ki koi 'tasnim'

har ek 'amal apna bila sud-o-ziyan tha