kahne us shoKH se dil ka jo main ahwal gaya
kahne us shoḳh se dil kā jo maiñ ahvāl gayā
vaañ na tafsīl ga.ī pesh na ijmāl gayā
dām-e-kākul se gilā kyā ye jo hai tā.ir-e-dil
aap apne ye phañsāne ko par-o-bāl gayā
dil-e-be-tāb kī kyā jaane huī kyā sūrat
pīchhe us shoḳh sitam-gar ke jo filhāl gayā
le gayā saath lagā vo but-e-qātil ghar tak
yā use maar ke raste meñ kahīñ Daal gayā
ḳhair vo haal huā yā ye huī shakl 'nazīr'
kuchh ta.assuf na karo jaane do janjāl gayā
kahne us shoKH se dil ka jo main ahwal gaya
wan na tafsil gai pesh na ijmal gaya
dam-e-kakul se gila kya ye jo hai tair-e-dil
aap apne ye phansane ko par-o-baal gaya
dil-e-be-tab ki kya jaane hui kya surat
pichhe us shoKH sitam-gar ke jo filhaal gaya
le gaya sath laga wo but-e-qatil ghar tak
ya use mar ke raste mein kahin Dal gaya
KHair wo haal hua ya ye hui shakl 'nazir'
kuchh tassuf na karo jaane do janjal gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.