kahta hun main ki ghair ne hargiz kaha nahin

kahtā huuñ maiñ ki ġhair ne hargiz kahā nahīñ

tujh ko na ho qubūl jo merī duā nahīñ

in pāniyoñ kisī ko Dubo.e na sharm-e-shauq

maiñ aab aab us kī taraf dekhtā nahīñ

sau ruḳh se chūmtā hai tirā pairahan ḳhayāl

sab meñ huuñ merī jaan ye mauj-e-havā nahīñ

hairāñ khaḌā huuñ vasl-e-judā.ī ke darmiyāñ

maiñ kis shumār meñ huuñ agar ā.īna nahīñ

guzrā mire darūn se tū hī ba-rañg-e-umr

ab jaane vo darūn bhī merā thā yā nahīñ

chuTkī mahak uThī hai ye kaisī umiid kī

ab tak to dastaras meñ vo band-e-qabā nahīñ

kām-o-dahan ko baḳhsh chukā hai jo pahle niib

ab shahd sher de bhī to koī mazā nahīñ

kahta hun main ki ghair ne hargiz kaha nahin

tujh ko na ho qubul jo meri dua nahin

in paniyon kisi ko Duboe na sharm-e-shauq

main aab aab us ki taraf dekhta nahin

sau ruKH se chumta hai tera pairahan KHayal

sab mein hun meri jaan ye mauj-e-hawa nahin

hairan khaDa hun wasl-e-judai ke darmiyan

main kis shumar mein hun agar aaina nahin

guzra mere darun se tu hi ba-rang-e-umr

ab jaane wo darun bhi mera tha ya nahin

chuTki mahak uThi hai ye kaisi umid ki

ab tak to dastaras mein wo band-e-qaba nahin

kaam-o-dahan ko baKHsh chuka hai jo pahle nib

ab shahd sher de bhi to koi maza nahin