kahte haiñ nāla-e-hazīñ sun ke
soz ye dil-gudāz haiñ dhun ke
sar agar kāTnā hai chun chun ke
āstīn chaḌhāo chun chun ke
sham'-o-parvāna shab ko the dil-soz
rah ga.e sub.h tak vo jal-bhun ke
ghun lagā maut kā jo aa'zā meñ
ustuḳhvāñ ḳhaak ho ga.e ghun ke
maiñ vo nālāñ huuñ jis ke ham-sāya
koste haiñ fuġhāñ mirī sun ke
kaT sakā koh-e-ġham na āḳhir-kār
kohkan sar ko rah gayā dhun ke
nām-āvar jo 'mīr' the ai 'shād'
ab hamīñ ik nishān haiñ un ke
kahte hain nala-e-hazin sun ke
soz ye dil-gudaz hain dhun ke
sar agar kaTna hai chun chun ke
aastin chaDhao chun chun ke
sham'-o-parwana shab ko the dil-soz
rah gae subh tak wo jal-bhun ke
ghun laga maut ka jo aa'za mein
ustuKHwan KHak ho gae ghun ke
main wo nalan hun jis ke ham-saya
koste hain fughan meri sun ke
kaT saka koh-e-gham na aaKHir-kar
kohkan sar ko rah gaya dhun ke
nam-awar jo 'mir' the ai 'shad'
ab hamin ek nishan hain un ke
Source:
Sukhan-e-Bemisal: Deewan-e-Shad (pdf) and website (Pg. p-143 e-145 pdf-150)
-
Author:
Shad Lakhnavi
-
- Edition: 1901
- Publisher: Matbaa Tasweer-e- Alam, Lucknow
- Year of Publication: 1901
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.