kahte hain sun ke tazkire mujh gham-rasida ke

Naseem Dehlvi

kahte hain sun ke tazkire mujh gham-rasida ke

Naseem Dehlvi

MORE BYNaseem Dehlvi

    kahte haiñ sun ke tazkire mujh ġham-rasīda ke

    afsāne kaun suntā hai hāl-e-shunīda ke

    kyā apnī musht-e-ḳhāk ham justujū kareñ

    milte nahīñ nishān ġhubār-e-parīda ke

    maiñ ḳhaak bhī huā na ga.ī par kashīdgī

    ġhusse vahī rahe mire dāman-kashīda ke

    jo tum meñ baat hai vo kisī aur meñ kahāñ

    jalve kuchh aur haiñ gul-e-nau-damīda ke

    sailāb-e-chashm-e-tar se zamāna ḳharāb hai

    shikve kahāñ kahāñ haiñ mire āb-dīda ke

    kuchh intihā nahīñ hai kahāñ tak sunā.iye

    qisse darāz haiñ dil-e-nā-ārmīda ke

    qatre mile jo tere pasīne ke gul-badan

    ḳhvāhāñ rahe na log gulāb-e-chakīda ke

    aahoñ dhuum hai kahīñ nāloñ ke gulgule

    sāmāñ na.e haiñ roz tire ġham-kashīda ke

    ārām-gāh-e-ashk hai vīrān ai junūñ

    dāman haiñ taar taar qabā-e-darīda ke

    o mast-e-nāz kaif ye tere suḳhan meñ hai

    dhoke kalām par haiñ sharāb-e-chakīda ke

    lo āshiyān-e-tan taraf mel tak nahīñ

    dekho mizāj tā.ir-e-rañg-parīda ke

    dīvāñ meñ vasf hai araq-e-jism-e-yār

    mazmūñ kahāñ kahāñ haiñ gulāb-e-chakīda ke

    mizhgāñ se bach 'nasīm' ki abrū ke paas haiñ

    ye tīr-e-be-ḳhatā haiñ kamān-e-kashīda ke

    kahte hain sun ke tazkire mujh gham-rasida ke

    afsane kaun sunta hai haal-e-shunida ke

    kya apni musht-e-KHak ki hum justuju karen

    milte nahin nishan ghubar-e-parida ke

    main KHak bhi hua na gai par kashidgi

    ghusse wahi rahe mere daman-kashida ke

    jo tum mein baat hai wo kisi aur mein kahan

    jalwe kuchh aur hi hain gul-e-nau-damida ke

    sailab-e-chashm-e-tar se zamana KHarab hai

    shikwe kahan kahan hain mere aab-dida ke

    kuchh intiha nahin hai kahan tak sunaiye

    qisse daraaz hain dil-e-na-armida ke

    qatre mile jo tere pasine ke gul-badan

    KHwahan rahe na log gulab-e-chakida ke

    aahon ki dhum hai kahin nalon ke gulgule

    saman nae hain roz tere gham-kashida ke

    aaram-gah-e-ashk hai viran ai junun

    daman hain tar tar qaba-e-darida ke

    o mast-e-naz kaif ye tere suKHan mein hai

    dhoke kalam par hain sharab-e-chakida ke

    lo aashiyan-e-tan ki taraf mel tak nahin

    dekho mizaj tair-e-rang-parida ke

    diwan mein wasf hai araq-e-jism-e-yar ka

    mazmun kahan kahan hain gulab-e-chakida ke

    mizhgan se bach 'nasim' ki abru ke pas hain

    ye tir-e-be-KHata hain kaman-e-kashida ke

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY