kahte nahin hain haal kisi raazdan se hum

kahte nahīñ haiñ haal kisī rāzdāñ se ham

vāqif hue haiñ jab se fareb-e-jahāñ se ham

aa.egī phir na sahn-e-chaman meñ kabhī bahār

uTh kar chale ga.e jo kahīñ gulsitāñ se ham

manzil tamām umr hameñ DhūñDhtī rahī

shāyad bichhaḌ ga.e the rah-e-kārvāñ se ham

gardish ne jis key ham ko fasāna banā diyā

Takrā.e baar baar usī āsmāñ se ham

paa.ī dil-o-nigāh ne is jā se 'raushnī'

sar kis tarah uThā.eñ tire āstāñ se ham

kahte nahin hain haal kisi raazdan se hum

waqif hue hain jab se fareb-e-jahan se hum

aaegi phir na sahn-e-chaman mein kabhi bahaar

uTh kar chale gae jo kahin gulsitan se hum

manzil tamam umr hamein DhunDhti rahi

shayad bichhaD gae the rah-e-karwan se hum

gardish ne jis key hum ko fasana bana diya

Takrae bar bar usi aasman se hum

pai dil-o-nigah ne is ja se 'raushni'

sar kis tarah uThaen tere aastan se hum