kaif-e-ada bhi hai nigah-e-pur-fitan ke sath
kaif-e-ada bhi hai nigah-e-pur-fitan ke sath
Manzoor Ahmad Manzoor
MORE BYManzoor Ahmad Manzoor
kaif-e-adā bhī hai nigah-e-pur-fitan ke saath
lagtī hai dil pe choT magar bāñkpan ke saath
ḳhunkī hai chāñdnī meñ tamāzat hai dhuup meñ
tashbīh kis ko deñ tire nūr-e-badan ke saath
sar de ke surḳh-rū the kabhī bandagān-e-ishq
rasm-e-kuhan thī ḳhatm huī kohkan ke saath
ik maslahat kī mohr hai lab par lagī huī
varna hazār shikve haiñ ahl-e-vatan ke saath
vo sher-e-naġhz kyuuñ na ho juzv-e-rag-e-hayāt
kuchh fikr kā rachāv bhī jis meñ ho fan ke saath
kaif-e-ada bhi hai nigah-e-pur-fitan ke sath
lagti hai dil pe choT magar bankpan ke sath
KHunki hai chandni mein tamazat hai dhup mein
tashbih kis ko den tere nur-e-badan ke sath
sar de ke surKH-ru the kabhi bandagan-e-ishq
rasm-e-kuhan thi KHatm hui kohkan ke sath
ek maslahat ki mohr hai lab par lagi hui
warna hazar shikwe hain ahl-e-watan ke sath
wo sher-e-naghz kyun na ho juzw-e-rag-e-hayat
kuchh fikr ka rachaw bhi jis mein ho fan ke sath
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
