kaif-o-surur-o-masti humse KHud mein hain mai-KHana hum

kaif-o-surūr-o-mastī ham se ḳhud meñ haiñ mai-ḳhāna ham

shīsha sāġhar saaqī miinā jām-o-subū paimāna ham

ek zarā sī der huī kyā us kī galī tak jaane meñ

tanhā.ī kī shakl meñ ab tak bharte haiñ jurmāna ham

jaane kaun sā jaadū thā us jhiil sī gahrī āñkhoñ meñ

dil jaisī nāyāb sī shai tak de aa.e nazrāna ham

jis ne chāhā jaisā chāhā joḌ liyā ik rishta phir

ishq meñ tere bhuul ga.e jab apnā aur begāna ham

rū-e-zamīñ kā ik ik manzar apnī nazar ke dam se hai

sahrā aur samundar ham haiñ gulshan aur vīrāna ham

rafta rafta miT jā.eñge naqsh hamārī hastī ke

dhīre dhīre ho jā.eñge duniyā meñ afsāna ham

kaif-o-surur-o-masti hum se KHud mein hain mai-KHana hum

shisha saghar saqi mina jam-o-subu paimana hum

ek zara si der hui kya us ki gali tak jaane mein

tanhai ki shakl mein ab tak bharte hain jurmana hum

jaane kaun sa jadu tha us jhil si gahri aankhon mein

dil jaisi nayab si shai tak de aae nazrana hum

jis ne chaha jaisa chaha joD liya ek rishta phir

ishq mein tere bhul gae jab apna aur begana hum

ru-e-zamin ka ek ek manzar apni nazar ke dam se hai

sahra aur samundar hum hain gulshan aur virana hum

rafta rafta miT jaenge naqsh hamari hasti ke

dhire dhire ho jaenge duniya mein afsana hum