kai dinon se mohabbat ka kuchh wabaal nahin

ka.ī dinoñ se mohabbat kā kuchh vabāl nahīñ

tū muskurā ke pas-o-pesh meñ yuuñ Daal nahīñ

ka.ī sadī ke junūñ se use tarāshā hai

hamārā ishq koī do Take kā maal nahīñ

hamāre dil kā nagar kis ne phūñk Daalā hai

hamārī aañkh lagī thī hameñ ḳhayāl nahīñ

irāda hai ki tumheñ sharmsār dekhūñ maiñ

vagarna dil kī tabāhī kā yuuñ malāl nahīñ

baḌe sukūñ se guzar ho rahī hai ham sab kī

savāl ye ki kisī lab pe kyoñ savāl nahīñ

maiñ ādatan bhī zarā sā udaas rahtā huuñ

har ek baat mohabbat ke sar pe Daal nahīñ

kai dinon se mohabbat ka kuchh wabaal nahin

tu muskura ke pas-o-pesh mein yun Dal nahin

kai sadi ke junun se use tarasha hai

hamara ishq koi do Take ka mal nahin

hamare dil ka nagar kis ne phunk Dala hai

hamari aankh lagi thi hamein KHayal nahin

irada hai ki tumhein sharmsar dekhun main

wagarna dil ki tabahi ka yun malal nahin

baDe sukun se guzar ho rahi hai hum sab ki

sawal ye ki kisi lab pe kyon sawal nahin

main aadatan bhi zara sa udas rahta hun

har ek baat mohabbat ke sar pe Dal nahin