kaisa manzar tha ki pas-manzar mein rah jata raha

kaisā manzar thā ki pas-manzar meñ rah jaatā rahā

andar andar jaane mujh ko kaun mahkātā rahā

ḳhaak uḌāte dasht-e-dil meñ tum bhī ojhal ho ga.e

āḳhir us naqsh-e-kaf-e-pā se bhī maiñ jaatā rahā

vo bhī kyā din the ki jis jis mauj par paḌtā thā paañv

ḳhud kināre tak samundar chhoḌne aatā rahā

raakh sachchī thī tabhī to sar uThā kar chal paḌī

sho'la jhūTā thā diloñ ke biich bal khātā rahā

har zamāne meñ rahī apne zamāne kī talāsh

maiñ bisāt-e-vaqt par aatā rahā jaatā rahā

maiñ ne dil se duur haT kar ik sadā kī thī magar

der tak ye dasht mere harf dohrātā rahā

'ishq āḳhir 'ishq thā jaisā bhī thā jitnā bhī thā

sar-zamīn-e-dil pe ik parcham to lahrātā rahā

kaisa manzar tha ki pas-manzar mein rah jata raha

andar andar jaane mujh ko kaun mahkata raha

KHak uDate dasht-e-dil mein tum bhi ojhal ho gae

aaKHir us naqsh-e-kaf-e-pa se bhi main jata raha

wo bhi kya din the ki jis jis mauj par paDta tha panw

KHud kinare tak samundar chhoDne aata raha

rakh sachchi thi tabhi to sar uTha kar chal paDi

sho'la jhuTa tha dilon ke bich bal khata raha

har zamane mein rahi apne zamane ki talash

main bisat-e-waqt par aata raha jata raha

main ne dil se dur haT kar ek sada ki thi magar

der tak ye dasht mere harf dohraata raha

'ishq aaKHir 'ishq tha jaisa bhi tha jitna bhi tha

sar-zamin-e-dil pe ek parcham to lahraata raha