kaise bach paoge haalat se aage ja kar

kaise bach pāoge hālāt se aage jā kar

dhuup niklegī bahut raat se aage jā kar

ye samundar nahīñ bahte kisī dariyā kī tarah

ye safar meñ haiñ buḳhārāt se aage jā kar

besh-qīmat hai yahī husn zamīñ kā merī

kachchī bastī hai mahallāt se aage jā kar

ik jahāñ aur hai ābād khule manzar meñ

jab bhī dekhoge kabhī zaat se aage jā kar

bas yahī soch ke raste meñ use chhoḌ diyā

tang hogā mirī ādāt se aage jā kar

ishq meñ mujh se savālāt na pūchho itne

ranj baḌhtā hai javābāt se aage jā kar

shahr se duur ḳharīdūñgā koī ghar 'ātir'

garche jangal hai mazāfāt se aage jā kar

kaise bach paoge haalat se aage ja kar

dhup niklegi bahut raat se aage ja kar

ye samundar nahin bahte kisi dariya ki tarah

ye safar mein hain buKHaraat se aage ja kar

besh-qimat hai yahi husn zamin ka meri

kachchi basti hai mahallat se aage ja kar

ek jahan aur hai aabaad khule manzar mein

jab bhi dekhoge kabhi zat se aage ja kar

bas yahi soch ke raste mein use chhoD diya

tang hoga meri aadat se aage ja kar

ishq mein mujh se sawalat na puchho itne

ranj baDhta hai jawabaat se aage ja kar

shahr se dur KHaridunga koi ghar 'atir'

garche jangal hai mazafat se aage ja kar