kaise dil ka kaha bataen hum

kaise dil kā kahā batā.eñ ham

raaz kī baat kyā batā.eñ ham

tum ne pūchhā bhī to nahīñ ham se

jo tumheñ mas.ala batā.eñ ham

aaj insān sochtā hai ye

kaise ḳhud ko ḳhudā batā.eñ ham

ġhalatiyāñ ham ne bhī bahut kī haiñ

kis ko kis kī ḳhatā batā.eñ ham

ham ne bhī kaun sī vafā kī hai

kyoñ use bevafā batā.eñ ham

ḳhuun kā yā mohabbatoñ vaalā

kis kā rishta baḌā batā.eñ ham

bhuul kar bhī na dil lagāoge

āshiqī kī sazā batā.eñ ham

kaun aisā hai is zamāne meñ

jis ko ham se burā batā.eñ ham

jānvar se burā hai mat pūchho

haal insāñ kā kyā batā.eñ ham

kaise dil ka kaha bataen hum

raaz ki baat kya bataen hum

tum ne puchha bhi to nahin hum se

jo tumhein masala bataen hum

aaj insan sochta hai ye

kaise KHud ko KHuda bataen hum

ghalatiyan hum ne bhi bahut ki hain

kis ko kis ki KHata bataen hum

hum ne bhi kaun si wafa ki hai

kyon use bewafa bataen hum

KHun ka ya mohabbaton wala

kis ka rishta baDa bataen hum

bhul kar bhi na dil lagaoge

aashiqi ki saza bataen hum

kaun aisa hai is zamane mein

jis ko hum se bura bataen hum

jaanwar se bura hai mat puchho

haal insan ka kya bataen hum