kaise guzar sakenge zamane bahaar ke
kaise guzar sakeñge zamāne bahār ke
chup ho gayā huuñ mausam-e-gul ko pukār ke
yā merī zindagī meñ ujālā kare koī
yā pheñk de kahīñ ye sitāre utaar ke
jholī meñ gul to kyā koī kāñTā hī Daal do
māyūs to na ho koī dāman pasār ke
dil par bhī aao ek nazar Dālte chaleñ
shāyad chhupe hue hoñ yahīñ din bahār ke
āñkhoñ meñ āñsuoñ kī tarah tairne lage
bhīge hue ḳhayāl lab-e-jū-e-bār ke
dahkī huī fazāoñ meñ jaa.eñ kahāñ tuyūr
saa.e bhī jab ghane na raheñ shāḳh-sār ke
'shahzād' kis zamīñ ko maiñ apnā vatan kahūñ
āvārgān-e-ishq hue kis dayār ke
kaise guzar sakenge zamane bahaar ke
chup ho gaya hun mausam-e-gul ko pukar ke
ya meri zindagi mein ujala kare koi
ya phenk de kahin ye sitare utar ke
jholi mein gul to kya koi kanTa hi Dal do
mayus to na ho koi daman pasar ke
dil par bhi aao ek nazar Dalte chalen
shayad chhupe hue hon yahin din bahaar ke
aankhon mein aansuon ki tarah tairne lage
bhige hue KHayal lab-e-ju-e-bar ke
dahki hui fazaon mein jaen kahan tuyur
sae bhi jab ghane na rahen shaKH-sar ke
'shahzad' kis zamin ko main apna watan kahun
aawargan-e-ishq hue kis dayar ke
Source:
Deewar pe dastak (Pg. 45)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
