kaise jaanun ki jahan KHwab-numa hota hai
kaise jānūñ ki jahāñ ḳhvāb-numā hotā hai
jabki har shaḳhs yahāñ ābla-pā hotā hai
dekhne vāloñ kī āñkhoñ meñ namī tairtī hai
sochne vāloñ ke siine meñ ḳhalā hotā hai
log us shahr ko ḳhush-hāl samajh lete haiñ
raat ke vaqt bhī jo jaag rahā hotā hai
ghar ke baare meñ yahī jaan sakā huuñ ab tak
jab bhī lauTo koī darvāza khulā hotā hai
fāsle is tarah simTe haiñ na.ī duniyā meñ
apne logoñ se har ik shaḳhs judā hotā hai
mere muhtāj nahīñ haiñ ye badalte mausam
maan letā huuñ magar dil bhī burā hotā hai
chāñdnī raat ne ehsās dilāyā hai 'malāl'
aadmī kitne sarāboñ meñ ghirā hotā hai
kaise jaanun ki jahan KHwab-numa hota hai
jabki har shaKHs yahan aabla-pa hota hai
dekhne walon ki aankhon mein nami tairti hai
sochne walon ke sine mein KHala hota hai
log us shahr ko KHush-haal samajh lete hain
raat ke waqt bhi jo jag raha hota hai
ghar ke bare mein yahi jaan saka hun ab tak
jab bhi lauTo koi darwaza khula hota hai
fasle is tarah simTe hain nai duniya mein
apne logon se har ek shaKHs juda hota hai
mere muhtaj nahin hain ye badalte mausam
man leta hun magar dil bhi bura hota hai
chandni raat ne ehsas dilaya hai 'malal'
aadmi kitne sarabon mein ghira hota hai
Source:
Pakistani Adab (Pg. 575)
- Author: Dr. Rashid Amjad
-
- Edition: 2009
- Publisher: Pakistan Academy of Letters, Islambad, Pakistan
- Year of Publication: 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
