kaise kaise dil-nashin KHwabon ke manzar le gaya
kaise kaise dil-nashin KHwabon ke manzar le gaya
Syeda Shan-e-Meraj
MORE BYSyeda Shan-e-Meraj
kaise kaise dil-nashīñ ḳhvāboñ ke manzar le gayā
merī āñkhoñ se koī nīñdeñ churā kar le gayā
aaj vo yādoñ kī dastāvez jhūTī ho ga.ī
koī is bastī ke naqshe se mirā ghar le gayā
chāñdnī rātoñ se vābasta thiiñ bazm-ārā.īyāñ
chāñd kyā Duubā ki yādoñ kā muqaddar le gayā
muddatoñ se haiñ uḌāneñ ek hī manzar meñ qaid
noch kar jab se vo merī soch ke par le gayā
ā.inoñ se duur vasf-e-ā.ina-dārī ko 'shān'
log kahte haiñ ki koī ā.ina-gar le gayā
kaise kaise dil-nashin KHwabon ke manzar le gaya
meri aankhon se koi ninden chura kar le gaya
aaj wo yaadon ki dastawez jhuTi ho gai
koi is basti ke naqshe se mera ghar le gaya
chandni raaton se wabasta thin bazm-araiyan
chand kya Duba ki yaadon ka muqaddar le gaya
muddaton se hain uDanen ek hi manzar mein qaid
noch kar jab se wo meri soch ke par le gaya
aainon se dur wasf-e-aina-dari ko 'shan'
log kahte hain ki koi aaina-gar le gaya
Source:
Saahil Seep Samandar (Pg. 110)
- Author: Syeda Shan-e-Meraj
-
- Publisher: Takhleeqkar Publishers, Delhi
- Year of Publication: 2012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
