kaise kaise KHwab sajaya karte the

kaise kaise ḳhvāb sajāyā karte the

ham be-mausam phuul ugāyā karte the

vasl ke din ab shaam Dhale kyoñ aate ho

tum to mujh se pahle aayā karte the

baiThe baiThe maiñ uḌne lag jaatī thī

tum jab mere baal banāyā karte the

ek sitāra tum ginte the aur ik maiñ

chhat kī god meñ raat bitāyā karte the

sab kī mushkil duur kiyā karte the ham

phir ḳhud mushkil meñ paḌ jaayā karte the

kaise kaise KHwab sajaya karte the

hum be-mausam phul ugaya karte the

wasl ke din ab sham Dhale kyon aate ho

tum to mujh se pahle aaya karte the

baiThe baiThe main uDne lag jati thi

tum jab mere baal banaya karte the

ek sitara tum ginte the aur ek main

chhat ki god mein raat bitaya karte the

sab ki mushkil dur kiya karte the hum

phir KHud mushkil mein paD jaya karte the