kaise nazar aae kahin imkan hamara

kaise nazar aa.e kahīñ imkān hamārā

jab Doltā hī rahtā hai īmān hamārā

nākām rahe haiñ jo hamesha kī tarah ham

badla hai irāda bhī to har aan hamārā

paiġhām diyā phir kabhī zahmat na kareñ ham

aur saath hī bhijvā diyā sāmān hamārā

har baar hamārī hī Dubotā huā kashtī

ye zor pakaḌtā huā tūfān hamārā

jo fā.eda honā thā usī se hue mahrūm

kuchh isse ziyāda nahīñ nuqsān hamārā

kam hotī ga.ī apnī tavajjoh bhī kuchh āḳhir

kuchh kaam bhī hotā gayā āsān hamārā

apnī hī 'zafar' ḳhaak uḌāte haiñ shab-o-roz

ham par bhī huā tang bayābān hamārā

kaise nazar aae kahin imkan hamara

jab Dolta hi rahta hai iman hamara

nakaam rahe hain jo hamesha ki tarah hum

badla hai irada bhi to har aan hamara

paigham diya phir kabhi zahmat na karen hum

aur sath hi bhijwa diya saman hamara

har bar hamari hi Dubota hua kashti

ye zor pakaDta hua tufan hamara

jo faeda hona tha usi se hue mahrum

kuchh isse ziyaada nahin nuqsan hamara

kam hoti gai apni tawajjoh bhi kuchh aaKHir

kuchh kaam bhi hota gaya aasan hamara

apni hi 'zafar' KHak uDate hain shab-o-roz

hum par bhi hua tang bayaban hamara