kaise sunenge aap wo kanon se guftugu

kaise suneñge aap vo kānoñ se guftugū

karte haiñ ahl-e-'ishq to āñkhoñ se guftugū

daulat ne us kā rakh diyā lahja bigāḌ kar

kartā nahīñ vo Thiik se apnoñ se guftugū

jo raaz haiñ tumhāre na khul jaa.eñ vo kahīñ

karnā samajh ke soch ke logoñ se guftugū

tere ḳhayāl tere tasavvur meñ Duub kar

har raat maiñ ne kī hai charāġhoñ se guftugū

paayā na koī tarz-e-takallum meñ aap sā

ham kar chuke haiñ yuuñ to hazāroñ se guftugū

be-‘ilm haiñ jo un ko kitāboñ se kaam kyā

karte haiñ ahl-e-'ilm kitāboñ se guftugū

rusvā.iyoñ ke ḳhauf se mahfil meñ ai 'qamar'

kartā hai koī mujh se ishāroñ se guftugū

kaise sunenge aap wo kanon se guftugu

karte hain ahl-e-'ishq to aankhon se guftugu

daulat ne us ka rakh diya lahja bigaD kar

karta nahin wo Thik se apnon se guftugu

jo raaz hain tumhaare na khul jaen wo kahin

karna samajh ke soch ke logon se guftugu

tere KHayal tere tasawwur mein Dub kar

har raat main ne ki hai charaghon se guftugu

paya na koi tarz-e-takallum mein aap sa

hum kar chuke hain yun to hazaron se guftugu

be-‘ilm hain jo un ko kitabon se kaam kya

karte hain ahl-e-'ilm kitabon se guftugu

ruswaiyon ke KHauf se mahfil mein ai 'qamar'

karta hai koi mujh se ishaaron se guftugu