kaise tewar hain ab hawa ke dekh

kaise tevar haiñ ab havā ke dekh

ghar se pahle diyā jalā ke dekh

us ke ḳhat meñ koī dilāsa DhūñD

koī jumla ghaTā baḌhā ke dekh

shahr meñ ḳhaak to milegī nahīñ

koī afvāh hī uḌā ke dekh

un kā dīvān kuchh to kaam aa.e

hāl-e-dil 'mīr' ko sunā ke dekh

us kī mahfil meñ jaa.e rotā huā

nāma-bar ko sikhā paḌhā ke dekh

gar mirā raqs dekhnā hai to

kuchh mire kaan meñ batā ke dekh

us kī ḳhushbū kahīñ ga.ī to nahīñ

ghar ke parde hilā hilā ke dekh

aa.ine rahm-dil bhī hote haiñ

shart yeh hai ki sar jhukā ke dekh

hañste haiñ yā udaas hote haiñ

paas vāloñ ko duur jā ke dekh

kaise tewar hain ab hawa ke dekh

ghar se pahle diya jala ke dekh

us ke KHat mein koi dilasa DhunD

koi jumla ghaTa baDha ke dekh

shahr mein KHak to milegi nahin

koi afwah hi uDa ke dekh

un ka diwan kuchh to kaam aae

haal-e-dil 'mir' ko suna ke dekh

us ki mahfil mein jae rota hua

nama-bar ko sikha paDha ke dekh

gar mera raqs dekhna hai to

kuchh mere kan mein bata ke dekh

us ki KHushbu kahin gai to nahin

ghar ke parde hila hila ke dekh

aaine rahm-dil bhi hote hain

shart yeh hai ki sar jhuka ke dekh

hanste hain ya udas hote hain

pas walon ko dur ja ke dekh