kaisi baKHshish ka ye saman hua phirta hai
kaisi baKHshish ka ye saman hua phirta hai
Jaleel Haider Lashari
MORE BYJaleel Haider Lashari
kaisī baḳhshish kā ye sāmān huā phirtā hai
shahr saarā hī pareshān huā phirtā hai
kaisā āshiq hai tire naam pe qurbāñ hai magar
terī har baat se anjān huā phirtā hai
ham ko jakḌā hai yahāñ jabr kī zanjīroñ ne
ab to ye shahr hī zindān huā phirtā hai
shab ko shaitān bhī māñge hai panāheñ jis se
sub.h vo sāhib-e-īmān huā phirtā hai
jaane kab kaun kise maar de kāfir kah ke
shahr kā shahr musalmān huā phirtā hai
kaisi baKHshish ka ye saman hua phirta hai
shahr sara hi pareshan hua phirta hai
kaisa aashiq hai tere nam pe qurban hai magar
teri har baat se anjaan hua phirta hai
hum ko jakDa hai yahan jabr ki zanjiron ne
ab to ye shahr hi zindan hua phirta hai
shab ko shaitan bhi mange hai panahen jis se
subh wo sahib-e-iman hua phirta hai
jaane kab kaun kise mar de kafir kah ke
shahr ka shahr musalman hua phirta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
