kaisi hai ye bahaar muqaddar ki baat hai
kaisī hai ye bahār muqaddar kī baat hai
dāman hai tār-tār muqaddar kī baat hai
kyā qahr hai ki rañg hai phūloñ kā zard zard
kāñToñ pe hai nikhār muqaddar kī baat hai
is muḳhtasar hayāt meñ itnī musībateñ
kis ko hai iḳhtiyār muqaddar kī baat hai
ai dost āgahī hameñ koshish ke bāvajūd
aa.ī na sāzgār muqaddar kī baat hai
har-gām par fareb diye jis nasīb ne
phir us pe e.atibār muqaddar kī baat hai
sāhil se ham-kanār kare yā Dubo hī de
maujoñ kā ye ubhār muqaddar kī baat hai
'jāñbāz' ġhair ke liye duniyā kī ne.amateñ
mere liye hai daar muqaddar kī baat hai
kaisi hai ye bahaar muqaddar ki baat hai
daman hai tar-tar muqaddar ki baat hai
kya qahr hai ki rang hai phulon ka zard zard
kanTon pe hai nikhaar muqaddar ki baat hai
is muKHtasar hayat mein itni musibaten
kis ko hai iKHtiyar muqaddar ki baat hai
ai dost aagahi hamein koshish ke bawajud
aai na sazgar muqaddar ki baat hai
har-gam par fareb diye jis nasib ne
phir us pe eatibar muqaddar ki baat hai
sahil se ham-kanar kare ya Dubo hi de
maujon ka ye ubhaar muqaddar ki baat hai
'jaanbaz' ghair ke liye duniya ki neamaten
mere liye hai dar muqaddar ki baat hai
- Book : SAAZ-O-NAVA (Pg. 96)
- Publication : Raghu Nath suhai ummid
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
