kaisi kaisi rah mein diwaren karte hain hail log

Aabid Adeeb

kaisi kaisi rah mein diwaren karte hain hail log

Aabid Adeeb

MORE BY Aabid Adeeb

    kaisī kaisī raah meñ dīvāreñ karte haiñ haa.il log

    phir bhī manzil lete haiñ ham jaise zinda dil log

    vo dekho sāgar garjā tūfān uThā nayyā Duubī

    aur tamāsha dekh rahe haiñ baiThe sāhil sāhil log

    bazm sajā kar bheñT kiye haiñ hamdardī ke chand alfāz

    merā dukhḌā baañT rahe haiñ mere ġham meñ shāmil log

    bastī bastī ghuum rahe haiñ bhiiḌ bhare chaurāhoñ par

    ujle ujle pahnāoñ meñ chehre badle qātil log

    TuuT chaleñgī sab āshā.eñ tab jīvan raas aa.egā

    kuchh din aur kaseñge ham par ta.ane mahfil mahfil log

    kitnī ummīdoñ sham.eñ jalte bujh jaatī haiñ

    ab bhī an-chāhe chhātī par dhar dete haiñ sil log

    barf ke ā.īna-ḳhānoñ meñ sho.aloñ siñgār kareñge

    aivānoñ meñ aish manā kar taḌpeñge patthar dil log

    kaisi kaisi rah mein diwaren karte hain hail log

    phir bhi manzil pa lete hain hum jaise zinda dil log

    wo dekho sagar garja tufan uTha nayya Dubi

    aur tamasha dekh rahe hain baiThe sahil sahil log

    bazm saja kar bhenT kiye hain hamdardi ke chand alfaz

    mera dukhDa banT rahe hain mere gham mein shamil log

    basti basti ghum rahe hain bhiD bhare chaurahon par

    ujle ujle pahnaon mein chehre badle qatil log

    TuT chalengi sab aashaen tab hi jiwan ras aaega

    kuchh din aur kasenge hum par tane mahfil mahfil log

    kitni ummidon ki shamen jalte hi bujh jati hain

    ab bhi an-chahe chhati par dhar hi dete hain sil log

    barf ke aaina-KHanon mein shoalon ka singar karenge

    aiwanon mein aish mana kar taDpenge patthar dil log

    Source:

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY