kaisi waraftagi se dekhe hai

kaisī vāraftagī se dekhe hai

aadmī aadmī ko dekhe hai

jaag jaa.e hai hasrat-e-dīdār

jab bhī koī kisī ko dekhe hai

itnā saada to vo nahīñ lagtā

jis qadar sādgī se dekhe hai

us ko fursat se dekhtī huuñ maiñ

vo jo kam-fursatī se dekhe hai

tere chehre pe kyā nazar jaa.e

dil tirī kaj-ravī ko dekhe hai

kyoñ na jalvoñ kī dil pe bārish ho

tujh se baḌh kar tujhī ko dekhe hai

dekh kar us ko dekhnā hai yahī

koī kab tak kisī ko dekhe hai

maiñ mohabbat se us ko taktī huuñ

aur vo dushmanī se dekhe hai

kyoñ na āñkheñ phir us kī dariyā hoñ

jo musalsal namī ko dekhe hai

chāñd kī apnī raushnī hai 'sahar'

chāñd kab chāñdnī ko dekhe hai

kaisi waraftagi se dekhe hai

aadmi aadmi ko dekhe hai

jag jae hai hasrat-e-didar

jab bhi koi kisi ko dekhe hai

itna sada to wo nahin lagta

jis qadar sadgi se dekhe hai

us ko fursat se dekhti hun main

wo jo kam-fursati se dekhe hai

tere chehre pe kya nazar jae

dil teri kaj-rawi ko dekhe hai

kyon na jalwon ki dil pe barish ho

tujh se baDh kar tujhi ko dekhe hai

dekh kar us ko dekhna hai yahi

koi kab tak kisi ko dekhe hai

main mohabbat se us ko takti hun

aur wo dushmani se dekhe hai

kyon na aankhen phir us ki dariya hon

jo musalsal nami ko dekhe hai

chand ki apni raushni hai 'sahar'

chand kab chandni ko dekhe hai