kal chaak hote hote gareban rah gaya
kal chaak hote hote gareban rah gaya
Mirza Mohammad Ali Fidvi
MORE BYMirza Mohammad Ali Fidvi
kal chaak hote hote garebān rah gayā
maane the yaar mujh ko kahā maan rah gayā
kyā jī meñ aa.ī dhyān tirā kis taraf gayā
kyoñ baat karte karte mirī jaan rah gayā
maiñ ne kamī na kī thī yahāñ jaan dene meñ
tū aa gayā ye kahne ko ehsān rah gayā
dekhā na tujh ko yaar dam-e-vāpsīñ talak
afsos yaar dil hī meñ armān rah gayā
sūrat banī hai ġham se ajab jis ne kī nazar
'fidvī' ko tere dekh ke hairān rah gayā
kal chaak hote hote gareban rah gaya
mane the yar mujh ko kaha man rah gaya
kya ji mein aai dhyan tera kis taraf gaya
kyon baat karte karte meri jaan rah gaya
main ne kami na ki thi yahan jaan dene mein
tu aa gaya ye kahne ko ehsan rah gaya
dekha na tujh ko yar dam-e-wapsin talak
afsos yar dil hi mein arman rah gaya
surat bani hai gham se ajab jis ne ki nazar
'fidwi' ko tere dekh ke hairan rah gaya
Source:
Kulliyat-e-Fidvi (Pg. 92)
- Author: Mirza Mohammad Ali Fidvi
-
- Publisher: Matba Azad Press, Patna
- Year of Publication: 1956
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
