aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kal jo rone par mere Tuk dhyan us ka paD gaya

Jurat Qalandar Bakhsh

kal jo rone par mere Tuk dhyan us ka paD gaya

Jurat Qalandar Bakhsh

MORE BYJurat Qalandar Bakhsh

    kal jo rone par mire Tuk dhyān us paḌ gayā

    hañs ke yuuñ kahne lagā ''kuchh aañkh meñ kyā paḌ gayā?''

    baiThe baiThe aap se kar baiThtā huuñ kuchh gunāh

    paañv paḌne jo us ke mujh ko chaskā paḌ gayā

    jañg-jūī kyā kahūñ us ki kal-parsoñ meñ aah

    sulh Tuk hone na paa.ī thī ki jhagḌā paḌ gayā

    sozish-e-dil kuchh na pūchho tum ki Tuk siine pe raat

    haath rakhte hathelī meñ phaphūlā paḌ gayā

    bas ki thā be-bāl-o-par maiñ dāman-e-sayyād par

    ḳhuun bhī uḌ kar dam-e-bismil na merā paḌ gayā

    jo mire bad-go haiñ tum un ko samajhte ho bhalā

    vāh-vā mujh se tumheñ ye bair achchhā paḌ gayā

    kyuuñ paḌā dam toḌtā hai bistar-e-ġham par dilā

    aah kis be-dard ke milne meñ toḌā paḌ gayā

    behtarī muñh na dekhā mar kar paa.ī najāt

    kuḌhte kuḌhte dil mirā bīmār aisā paḌ gayā

    bāteñ karte karte pyāre dil dhaḌakne kyuuñ lagā

    sun ke kuchh aahaT kaho kyā dil meñ khaTkā paḌ gayā

    ruk gayā aisā vo jo phir na aayā kal jo Tuk

    haath us ke paañv par bhūle se merā paḌ gayā

    maiñ to yaañ is baat par apne paḌā maltā huuñ haath

    aur saare shahr meñ kuchh aur charchā paḌ gayā

    garche huuñ maiñ naam ko 'jur.at' par ab us taraf

    aañkh uThā saktā nahīñ ye dil meñ ḳhatrā paḌ gayā

    kal jo rone par mere Tuk dhyan us ka paD gaya

    hans ke yun kahne laga kuchh aankh mein kya paD gaya?

    baiThe baiThe aap se kar baiThta hun kuchh gunah

    panw paDne ka jo us ke mujh ko chaska paD gaya

    jang-jui kya kahun us ki ki kal-parson mein aah

    sulh Tuk hone na pai thi ki jhagDa paD gaya

    sozish-e-dil kuchh na puchho tum ki Tuk sine pe raat

    hath rakhte hi hatheli mein phaphula paD gaya

    bas ki tha be-baal-o-par main daman-e-sayyaad par

    KHun bhi uD kar dam-e-bismil na mera paD gaya

    jo mere bad-go hain tum un ko samajhte ho bhala

    wah-wa mujh se tumhein ye bair achchha paD gaya

    kyun paDa dam toDta hai bistar-e-gham par dila

    aah kis be-dard ke milne mein toDa paD gaya

    behtari ka munh na dekha mar hi kar pai najat

    kuDhte kuDhte dil mera bimar aisa paD gaya

    baaten karte karte pyare dil dhaDakne kyun laga

    sun ke kuchh aahaT kaho kya dil mein khaTka paD gaya

    ruk gaya aisa hi wo jo phir na aaya kal jo Tuk

    hath us ke panw par bhule se mera paD gaya

    main to yan is baat par apne paDa malta hun hath

    aur sare shahr mein kuchh aur charcha paD gaya

    garche hun main nam ko 'jurat' par ab us ki taraf

    aankh uTha sakta nahin ye dil mein KHatra paD gaya

    Source:

    Kulliyat-e-Jura t áVolume-01 â (Pg. page-98 ebook-138)

    • Author: Jurat Qalandar Bakhsh
      • Edition: 1968
      • Publisher: Majlis-e-Taraqqi-e-Adab, Lahore
      • Year of Publication: 1968
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now